Ak chak nouvo administrasyon nou wè chanjman politik ki afekte 338 manb ak fanmi yo, kèk pozitif ak kèk negatif. Lidèchip lokal 338 pran angajman pou asire manb nou yo gen aksè ak enfomasyon epi resous ki nesesè pou navige ak tout chanjman ki ka afekte yo ak fanmi yo. Nou konnen ou ka gen kèk kesyon sou sa ki ka vini an 2025, epi nou espere pi byen adrese yo ak enfòmasyon nou genyen anba a.

K: Kisa nouvo administrasyon an vle di pou travayè yo?

R: Lokal 338 ap swiv chanjman politik potansyèl ki te ka afekte travayè yo ak anpil atansyon- tout bagay soti nan chanjman nan Iwa imigrasyon nan entèdiksyon lè siplemante yo sou rada nou an. Nan sendika a gen anplwaye ki se pwofesyonèl politik ki rete enfome epi ki fè travay la pou asire ke nou pa pran gad si ta gen yon chanjman toudenkou nan politik. Nou ap prepare tou resous epi asire tout manb nou yo, kelkeswa plan benefis yo ye, yo pral gen akse a sèvis yo bezwen, kelkeswa sitiyasyon an.

 

Pandan nap antre nan pochen administrasyon an, nou pral fè tout sa nou kapab pou enfome manb yo sou nenpot chanjman ki ka afekte yo pi vit. Se Pou sa nou

ankouraje manb yo patisipe pou resevwa mesaj tèks nan men nou - se pi bon fason pou nou kominike byen vit avèk yo epi asire yo ke yo jwenn resous ak enfòmasyon nesesè ke yo bezwen.

 

K: Eske pral gen gwo chanjman politik ki te adopte nan premye jou a?

 

R: Li posib ke kèk chanjman ka rive byen vit gras a itilizasyon pouvwa egzekitif la. Sepandan, anpil nan politik ke pwochen administrasyon an ap pwopoze mande pou apwobasyon Kongrè a (ki pran tan). Nou ap prepare pou yon seri de chanjman politik posib epi yo pral asire ke manb yo enfome pi vit le nou konnen nepòt bagay ki te ka afekte yo. Nou ap fè tout sa nou kapab pou bay manb nou yo resous sou chanjman politik yo si sa ta afekte yo.

K: Mwen tande ke yo ka pwopoze nouvo règ ki pral afekte lè siplemantè oswa bay patwon yo plis libète pou fè chanjman. Ki jan sa pral afekte mwen? 

R: Nou tande enkyetid ou konsènan dwa ou nan travay ou. Lokal 338 ap veye byen sou nenpòt chanjman potansyèl nan lwa ak pwoteksyon espas travay yo. Antanke manm sendika a, kontra sendika w la garanti salè w, benefis ou ak kondisyon travay ou – anplwayè w oblije respekte li. Si w panse patwon w la pa suiv kontra a, tanpri kontakte Reprezantan Inyon w la pi vit posib pou nou ka swiv epi fè respekte kontra a. Priyorite nou antanke òganizasyon se reprezante manm nou yo ak batay pou asire w ke ou resevwa sa ou gen dwa a dapre kontra sendika ou a – kèlkeswa ki moun ki nan biwo.

Ou ka kontakte Reprezantan Inyon Lokal 338 ou a lè w rele (516) 294-1338 ekst. 1775.

K: Kisa k ap pase si gen chanjman nan règleman imigrasyon tankou TPS oswa viza?

R: Ak nenpòt nouvo administrasyon toujou gen chanjman nan politik imigrasyon ak ranfòsman, egzakteman sa ki sanble pa ka vrèman konnen jiskaske yon nouvo administrasyon pran biwo ak lejislasyon, chanjman règ oswa direktiv ofisyèlman prezante. Anplwaye Règleman Lokal 338 la ap siveye ak anpil atansyon politik imigrasyon epi yo pral mete ajou enfòmasyon pou manm yo pandan nap wè mezi lejislatif, regilasyon, oswa mezi ranfòsman yo chanje.

Si ou kalifye pou Fon Benefis Lokal 338, ou gen dwa pou 30 èdtan Sèvis Legal, ki gen ladann yon kantite ka imigrasyon diferan, tankou natiralizasyon, rezidans pèmanan, oswa chanjman nan estati. Li kouvri tou depòtasyon ak lòt ka ki konteste dwa w, mari oswa madanm ou, oswa depandan w genyen pou rete Ozetazini. Benefis Sèvis Legal la pral kouvri mari oswa madanm ou ak depandan ki elijib yo.

Si ou pa elijib pou Fon Benefis, nap travay kole kole ak sendika nasyonal nou an, lòt sendika yo, ak patnè atravè Eta a, pou mete disponib yon lis gwo resous, ki gen ladan fòmasyon pou asire ou konnen dwa ou yo tou. Kòm avoka imigrasyon ak klinik legal pou poze kesyon epi jwenn sipò legal. Resous sa yo ap disponib tou pou w pataje ak moun ou renmen yo, zanmi, oswa vwazen pandan yo pare, nap poste yo sou entènèt pou jwenn aksè fasil.

K: Mwen enkyete pou manm fanmi mwen akòz sitiyasyon imigrasyon yo. Yo pa manm sendika, men eske sendika a ka toujou ede m?

R: Nap travay ak patnè atravè eta a pou idantifye sèvis sipò imigrasyon lokal ke nenpòt moun ka itilize. Pou manm yo, nou gen avoka ki ka bay Sipò ak konsèy imigrasyon. Tou depan de plan benefis yo, kèk manm fanmi yo kalifye tou. Pi bon bagay ou ka fè kounye a se asire w ke ou patisipe nan resevwa tèks nan men sendika a, kidonk si yon bagay rive ki ta ka afekte manm nou yo oswa manm fanmi yo ki imigran, nou ka byen vit voye enfòmasyon egzat ou epi konekte ou. Nan sipò imigrasyon apwopriye pou ou menm ak fanmi ou.

 K: Kisa k ap pase si mwen menm oswa yon manm fanmi mwen gen yon kat vèt bay dènye desizyon Tribinal Siprèm lan?

R: Desizyon Tribinal Siprèm lan p ap chanje kondisyon pou moun ki gen kat vèt ki egziste deja. Nan ka Etazini kont Muñoz, Tribinal Siprèm lan te konstate ke yon sitwayen ameriken pa gen dwa konstitisyonèl pou konteste refi pou mari oswa madanm li yon kat vèt. Sa a se pa yon nouvo presedan, sepandan, tribinal yo te fè lontan ke desizyon ke ofisye konsila yo pran, sa vle di, ofisye yo ki deside aplikasyon pou viza ak kat vèt, yo pa sijè a defi nan tribinal. Sa pa chanje règ ki aplikab pou moun ki gen kat vèt aktyèl yo.

K: Èske yo ka fòse sendika a bay ICE, CBP oswa nenpòt lòt ajans gouvènman enfòmasyon manm yo konsènan sitiyasyon imigrasyon?

R: Inyon an pa kenbe done konsènan estati imigrasyon manm yo, tankou fòm 1-9 yo soumèt pou montre otorizasyon travay. Depatman Sekirite Enteryè gen otorizasyon pou fè odit fòmilè 1-9 anplwaye yo soumèt bay patwon yo epi li gendwa kontinye odit sa yo. Dapre lwa aktyèl la, apa divilgasyon woutin ki konekte ak aplikasyon endividyèl pou benefis gouvènman an, zafè kriminèl, ak zafè taks, gouvènman an gen otorite limite pou egzije divilgasyon nimewo sekirite sosyal nan men moun oswa òganizasyon epi li dwe montre rezon pou chèche enfòmasyon sa yo. Politik depi lontan Konsèy Nasyonal Relasyon Travay la se pa mande enfòmasyon sou sitiyasyon imigrasyon yon anplwaye. Nan moman sa a, nou pa konnen si oswa ki jan nenpòt nan lwa oswa politik sa yo pral chanje.

K: Ki jan sendika a ap prepare ta dwe genyen atak ICE nan espas travay?

R: Administrasyon k ap vini an te fè menas pou ogmante atak ICE, sa nou konnen yo ka twomatik pou tande oswa eksperyans epi li difisil pou konprann ki dwa ou genyen nan yon sitiyasyon konsa. Lokal 338 ap travay ak sendika nasyonal nou an pou fè fòmasyon disponib sou kisa pou w atann de yon atak ICE ak ki dwa w genyen si w ta pran nan yon atak ICE. Si w enterese patisipe nan youn nan fòmasyon sa yo, fè reprezantan Inyon w la konnen.

K: Èske Lwa sou Swen Abòdab (ACA) pral anile? Èske mwen ka pèdi swen sante mwen si gen chanjman nan lwa a?

R: Premyèman, si ou kalifye pou Fon Sante & Byennèt Lokal 338 la, se Administratè yo ki tabli kondisyon swen sante wè yo sèlman ki ka chanje li.ACA a se lwa a pou plis pase yon deseni epi li gen anpil pati nan li, nenpòt tantativ pou anile oswa ranplase nenpòt pati nan ACA a ta mande aksyon Kongrè a ki vle di nou pral gen avètisman sou sa nou dwe atann epi yo pral kapab ede. Manm nou yo ki jwenn asirans yo atravè echanj la navige sa chanjman yo pral vle di pou yo. Piske aksyon Kongrè a obligatwa, sa vle di tou kòm yon sendika nou gen opòtinite pou fè espresyon kont nenpòt chanjman ki ta ka danjere pou manm nou yo oswa fanmi yo.

 K: Mwen kontinye tande pral gen yon entèdiksyon nasyonal avòtman, mwen pè èske sa vle di avòtman pral ilegal nan New York?

R: Avòtman legal nan New York e nan eleksyon ki sot pase yo li te kodifye nan konstitisyon eta a ki ede pwoteje nou isit la nan New York si nenpòt bagay chanje sou nivo nasyonal la. Nou pa konnen ki kalite aksyon lejislatif oswa litij yo pral eseye nan ane k ap vini yo men si efò pou anpeche aksè ak dwa avòtman nan New York ap pase nan tribinal yo oswa nan Kongrè a pral pran tan. Ekspè politik nou yo ap siveye ak anpil atansyon tout menas lejislatif ak jidisyè e si nenpòt bagay deplase, ki ta gen enpak sou dwa avòtman oswa aksè nan New York, nap fè manm nou yo konnen epi travay sou fason pou yo bese enpak la.